पुण्याच्या लोहगड किल्ल्यावर झालेल्या केतन अग्रवाल मृत्यू प्रकरणाला आता अत्यंत धक्कादायक वळण मिळाले आहे. अपघाताचा बनाव रचून आपल्या होणाऱ्या पतीची हत्या केल्याचा आरोप असलेल्या सिया गोयलची मुजोरी अद्याप कमी झालेली नाही. पोलीस कोठडीत असताना आणि माध्यमांसमोर तिने केलेले बेफिकीर वर्तन सध्या राज्यभरात चर्चेचा आणि संतापाचा विषय ठरत आहे.

माध्यमांना दाखवले मधले बोट

२ जुलै रोजी पोलिसांनी गुन्ह्याचा सीन रिक्रिएशन करण्यासाठी सियाला तिच्या घरी नेले होते. तासभर चाललेल्या चौकशीनंतर घरातून बाहेर पडताना सियाने माध्यमांच्या कॅमेऱ्यांकडे बघून थेट मधले बोट दाखवले आणि ताल धरत तिथून निघून गेली. तिच्या चेहऱ्यावर स्कार्फ असला तरी तिच्या देहबोलीत आणि डोळ्यांत फक्त बेफिकेरी आणि गुर्मी दिसत होती. या कृत्यामुळे तिची मस्ती अजून जिरली नाही, अशा चर्चांवर आता शिक्कामोर्तब झाले आहे.

अमोल कोल्हे राष्ट्रवादी सोडणार? शरद पवारांच्या निष्ठेवर कोल्हेंनी एका वाक्यात संपवली चर्चा

दारू आणि पार्ट्यांचे व्हिडिओ व्हायरल

केतनच्या मृत्यूनंतर सियाचे काही खळबळजनक व्हिडिओ समाजमाध्यमांवर प्रचंड व्हायरल झाले आहेत. यामध्ये ती महागड्या पबमध्ये नाचताना, दारू पिताना आणि शिव्या देताना दिसत आहे. १९ जून २०२४ रोजी, म्हणजे केतनच्या मृत्यूनंतर दुसऱ्याच दिवशी, तिने पबमध्ये जंगी वाढदिवस साजरा केल्याचेही व्हिडिओंमधून समोर आले आहे. यातील एक व्हिडिओ सिंगापूरमधील असून ती १६-१७ वर्षांची असतानाही मद्यप्राशन करत असल्याचे समोर आले आहे.

पोलीस कोठडीतही निवांत असल्याचे दावे

सूत्रांनी दिलेल्या माहितीनुसार, पोलीस कोठडीमध्येही सियाच्या वर्तनात कोणताही पश्चात्ताप दिसून येत नाही. सहआरोपी चेतन चौधरी कोठडीत रडत असताना सिया मात्र अगदी शांत आणि निवांत असल्याचे बोलले जाते. काही माध्यमांनी ती कोठडीत बिअर आणि घरच्या जेवणाची मागणी करत असल्याचे वृत्त दिले होते, मात्र पोलिसांनी यावर अद्याप अधिकृत खुलासा केलेला नाही. सुरुवातीला कुटुंबाने अंतर राखले असले तरी आता तिला वकिलाची मदत मिळत आहे.

स्टिंग ड्रिंक मुलांसाठी घातक? विधानसभेत जोरदार चर्चा, राहुल नार्वेकरांनी भाजप आमदाराला सुनावले

हत्येचा कट आधीच रचल्याचा संशय

या प्रकरणात आता बीडमधील एका तरुणाची एन्ट्री झाली असून त्याला सिया आणि चेतनच्या प्लॅनबद्दल आधीच माहिती होती. हा तरुण पुण्याच्या बालेवाडी भागात काम करतो आणि त्याने मे महिन्यापासूनच हत्येचा कट रचल्याचे पोलिसांना सांगितले आहे. १८ जूनला लोहगडावरून पुण्यात आल्यावर चेतन सर्वात आधी याच मित्राला भेटला होता. पोलिसांनी आता या मित्राला चौकशीसाठी ताब्यात घेतले असून त्यातून अनेक मोठे खुलासे होण्याची शक्यता वर्तवली जात आहे.

केतन अग्रवाल हत्या प्रकरण केवळ एक अपघात नसून, तो एका नियोजनबद्ध कटाचा भाग असल्याचे तपासात स्पष्ट होत आहे. सिया गोयलची मुजोरी आणि तिचे व्हायरल व्हिडिओ तिच्या गुन्हेगारी प्रवृत्तीवर प्रकाश टाकतात. आता न्यायालय या प्रकरणात काय निकाल देते, याकडे संपूर्ण राज्याचे लक्ष लागले आहे.

होणाऱ्या बायकोनेच नवऱ्याला गडावरून ढकलून दिल

• सीन रिक्रिएशन दरम्यान सियाने माध्यमांना मधले बोट दाखवून अपमान केला.
• केतनच्या मृत्यूनंतर दुसऱ्याच दिवशी सियाने पबमध्ये वाढदिवसाची जंगी पार्टी साजरी केली.
• सियाचे पबमध्ये दारू पितानाचे आणि शिवीगाळ करतानाचे अनेक जुने व्हिडिओ व्हायरल झाले आहेत.
• सहआरोपी चेतन चौधरी कोठडीत रडत असताना सिया मात्र शांत आणि निवांत आहे.
• बीडच्या एका मित्राला या हत्येच्या कटाची मे महिन्यापासूनच कल्पना होती.