नसरापूर हत्याकांड: नराधम भीमराव कांबळे अखेर दोषी! ५५ दिवसांत लागला निकाल, २९ जूनला होणार शिक्षेची घोषणा
पुणे: संपूर्ण महाराष्ट्राचे काळीज पिळवटून टाकणाऱ्या नसरापूर येथील चिमुरडीवरील अत्याचार आणि हत्या प्रकरणात पुणे विशेष न्यायालयाने मोठा निकाल दिला आहे. अवघ्या ५५ दिवसांच्या विक्रमी वेळेत सुनावणी पूर्ण करून, विशेष न्यायाधीश एस. आर. साळुंखे यांनी आरोपी भीमराव कांबळे याला दोषी ठरवले आहे. या निकालामुळे पीडितेच्या कुटुंबाला न्यायाची प्रतीक्षा आता संपली असून, आरोपीला फाशी होणार का, याकडे संपूर्ण राज्याचे लक्ष लागले आहे.
कोर्टात नेमकं काय घडलं? २५ जून रोजी सकाळी ११ वाजता जेव्हा कोर्टाचे कामकाज सुरू झाले, तेव्हा न्यायाधीश साळुंखे यांनी निकाल वाचनाला सुरुवात केली. भीमराव कांबळे याच्यावर ठेवण्यात आलेले अपहरण, अत्याचार आणि हत्येचे सर्व आरोप पुराव्यांच्या आधारे सिद्ध झाले आहेत. न्यायाधीशांनी जेव्हा आरोपीला विचारले की, “तूच सांग तुला काय शिक्षा द्यायची?”, तेव्हा आरोपीने ‘पाय घसरून पडल्याचा’ बनाव रचला. मात्र, न्यायाधीशांनी त्याला खडसावत सांगितले की, तुझे आरोप सिद्ध झाले आहेत आणि आता हा ‘इतिहास’ झाला आहे.
FIFA चा मोठा निर्णय! कोल्हापुरी फुटबॉल फॅन्सचा जागतिक डंका
फाशीची मागणी आणि सरकारी पक्षाचा युक्तिवाद विशेष सरकारी वकील ॲड. अजय मिसर यांनी आरोपीला मृत्युदंडाचीच शिक्षा देण्याची आग्रही मागणी केली. आरोपीने अवघ्या ३९ मिनिटांत चिमुरडीवर १८ जखमा केल्या होत्या, जे त्याच्या क्रूरतेचे लक्षण आहे. धक्कादायक बाब म्हणजे, आरोपीचे कुटुंब किंवा त्याची सात मुलेही त्याच्या बचावासाठी पुढे आलेली नाहीत, कारण त्याचा गुन्हेगारी इतिहास जुना आहे. “अशा नराधमाला समाजात राहण्याचा अधिकार नाही,” असा जोरदार युक्तिवाद सरकारी पक्षाने केला.
तपासाचा ‘फास्ट ट्रॅक’ वेग देशातील अत्यंत जलद गतीने चाललेल्या खटल्यांपैकी हा एक ठरला आहे. १ मे २०२६ रोजी ही घटना घडली आणि २ मेला आरोपीला अटक झाली. पुणे ग्रामीणचे एसपी संदीप सिंह गिल यांच्या मार्गदर्शनाखाली पोलिसांनी अवघ्या १५ दिवसांत १२०० पानांचे दोषारोपपत्र दाखल केले. ५५ दिवसांत ५५ साक्षीदारांच्या साक्षी नोंदवण्यात आल्या.
मुंबई लोकलमध्ये २२ वर्षीय तरुणाची हत्या!
२९ जूनकडे सर्वांचे लक्ष न्यायालयाने भीमराव कांबळेला दोषी ठरवून आपला अंतिम निकाल राखून ठेवला आहे. आता २९ जून रोजी त्याला नेमकी काय शिक्षा सुनावली जाते, यावर मोहोर उमटेल. पीडितेच्या वडिलांनी कोर्टात हात जोडून “अशा नराधमाला फाशीच द्या,” अशी विनंती केली आहे.
कायद्याच्या चौकटीत राहून, पुराव्यांच्या आधारे हा खटला ज्या वेगाने निकालापर्यंत पोहोचला, त्याबद्दल पोलीस आणि न्यायव्यवस्थेचे कौतुक होत आहे. आता सर्वांच्या नजरा २९ जूनच्या अंतिम शिक्षेच्या सुनावणीकडे लागल्या आहेत.
Mahesh Rathod is a News Writer at Maharashtra Trending with over five years of experience covering Maharashtra politics, breaking news, social issues, crime, and current affairs. He is committed to delivering accurate, timely, and reliable news that keeps readers informed about the latest developments across the state.
