तामिळनाडूचे मुख्यमंत्री आणि सुपरस्टार विजय यांच्या सरकारला पाडण्यासाठी रचलेला आमदार फोडाफोडीचा मोठा डाव उधळला गेला आहे. त्यांच्या पक्षाच्या आमदारांना कोट्यवधी रुपयांचे आमिष दाखवून फोडण्याचा प्रयत्न झाला, मात्र विजय यांनी आपल्या चतुर हालचालींनी विरोधकांनाच धोबीपछाड दिली आहे. या प्रकरणी पोलिसांनी काही जणांना अटक केली असून राज्यात मोठी राजकीय खळबळ उडाली आहे.

आमदारांना ५० कोटींची ऑफर

मुख्यमंत्री विजय यांच्या टीव्हीके (TVK) पक्षाचे सरकार पाडण्यासाठी आमदारांना ३५ ते ५० कोटी रुपयांपर्यंतची ऑफर दिल्याचा खळबळजनक आरोप करण्यात आला आहे. आमदार एन. इलाय राजा यांनी या संदर्भात पहिली तक्रार दाखल केली होती. विधानसभेत मांडल्या जाणाऱ्या एका प्रस्तावावेळी सरकारच्या विरोधात मतदान करण्यासाठी त्यांना हे प्रचंड आमिष दाखवण्यात आले होते.

शरद पवारांची दुहेरी रणनीती: काँग्रेसमध्ये विलीनीकरण की भाजपसोबत सत्ता?

मुख्य सूत्रधाराला पोलिसांनी ठोकल्या बेड्या

आमदार इलाय राजा यांनी पैसे स्वीकारण्यास नकार दिल्यानंतर त्यांना आणि त्यांच्या कुटुंबाला जीवे मारण्याची धमकी सुद्धा देण्यात आली होती. या तक्रारीनंतर तामिळनाडू पोलिसांनी तातडीने तपासाची चक्रे फिरवून मुख्य सूत्रधार थिरुनाऊक रासू आणि त्याचे साथीदार नरेश व थियागराजन यांना अटक केली आहे. हे आरोपी एका राजकीय फर्मचे प्रतिनिधी असल्याचे भासवून आमदारांशी संपर्क साधत होते.

विरोधकांवर गंभीर आरोप आणि तपास

टीव्हीकेचे मंत्री निर्मल कुमार यांनी या प्रकरणामागे थेट मुख्य विरोधी पक्ष असलेल्या डीएमकेचा (DMK) हात असल्याचा दावा केला आहे. एम. के. स्टॅलिन आणि उदयनिधी स्टॅलिन यांच्या संमतीनेच आमदारांना १० ते ५० कोटींचे आमिष दाखवले जात असल्याचा गंभीर आरोप त्यांनी केला. तपासात समोर आले आहे की, आरोपी नरेश हा डीएमके नेत्यांच्या जवळच्या लोकांच्या सतत संपर्कात होता.

अनुसूचित जाती उपवर्गीकरण वाद: काय आहे बदर समितीचा अहवाल? देवेंद्र फडणवीस यांची मोठी घोषणा

विजय यांचा सत्ता वाचवण्यासाठी मास्टरस्ट्रोक

सरकार सुरक्षित असल्याचा संदेश देण्यासाठी मुख्यमंत्री विजय यांनी ३० जून रोजी चेन्नईत आपल्या मित्रपक्षांची महत्त्वाची बैठक बोलावली. या बैठकीला काँग्रेस, आययूएमएल आणि एमडीएमके यांसारख्या पक्षांचे दिग्गज नेते उपस्थित होते. डाव्या पक्षांनीही (CPI, CPIM) विजय यांच्या सरकारला बाहेरून पाठिंबा जाहीर केला आहे, त्यामुळे सध्या विजय यांचे सरकार पूर्णपणे सुरक्षित असल्याचे मानले जात आहे.

तामिळनाडूच्या राजकीय पटलावर सध्या सुपरस्टार विरुद्ध प्रस्थापित राजकारणी असा संघर्ष तीव्र झाला आहे. मुख्यमंत्री विजय यांनी ज्या पद्धतीने विरोधकांचा हा डाव उधळला, त्याची चर्चा आता देशभर सुरू झाली आहे. येणाऱ्या दिवसांत या प्रकरणावरून तामिळनाडूचे राजकारण अधिकच तापण्याची चिन्हे दिसत आहेत.

“आता हिंदू माफ करणार नाही!”; उद्धव ठाकरेंचे भाजपविरोधात ‘रामरक्षा आंदोलन’

• मुख्यमंत्री विजय यांच्या टीव्हीके पक्षाच्या आमदारांना ५० कोटी रुपयांच्या ‘खोक्यांची’ ऑफर देण्यात आली.
• आमदार एन. इलाय राजा यांनी लाच नाकारल्यानंतर त्यांना आणि कुटुंबाला जीवे मारण्याची धमकी मिळाली.
• पोलिसांनी मुख्य सूत्रधार थिरुनाऊक रासू आणि त्याच्या दोन साथीदारांना तातडीने अटक केली आहे.
• टीव्हीके पक्षाने या घोडेबाजारासाठी थेट मुख्यमंत्री एम. के. स्टॅलिन यांच्या डीएमके पक्षाला जबाबदार धरले आहे.
• काँग्रेस आणि डाव्या पक्षांच्या भक्कम पाठिंब्यामुळे विजय यांचे सरकार सध्या पूर्णपणे सुरक्षित आहे