ओमराजे निंबाळकरांचा मोठा निर्णय? कार्यकर्त्यांनी दिला ‘हा’ कौल; धाराशिवच्या राजकारणात खळबळ!
धाराशिव: महाराष्ट्राच्या राजकारणात सध्या अनेक मोठ्या घडामोडी घडत आहेत आणि त्यातच आता धाराशिवचे खासदार ओमराजे निंबाळकर नेमकी काय भूमिका घेणार, याकडे संपूर्ण राज्याचे लक्ष लागले आहे. आज ओमराजे निंबाळकर यांनी आपल्या गावी कार्यकर्त्यांसोबत एक महत्त्वपूर्ण बैठक घेतली, जी जवळपास दोन तास चालली. या बैठकीनंतर कार्यकर्त्यांनी जो सूर लावला आहे, तो पाहता धाराशिवच्या राजकारणात मोठी उलथापालथ होण्याची शक्यता वर्तवण्यात येत आहे.
काय झाली चर्चा?
ओमराजे निंबाळकर यांनी कळंब आणि धाराशिव तालुक्यातील आपल्या प्रमुख कार्यकर्त्यांशी संवाद साधला. सुरुवातीला अनेक कार्यकर्त्यांचे मत होते की, पक्ष सोडू नये आणि उद्धव ठाकरेंसोबत राहूनच संघर्ष करावा. मात्र, बैठकीला झालेली तुफान गर्दी आणि सुमारे ३,००० लोकांच्या भावना पाहिल्यानंतर कार्यकर्त्यांच्या सुरात बदल झाला आहे. “ओमराजे जरी स्वतःच्या लोकसंपर्कावर निवडून येत असले, तरी जनतेची कामे करण्यासाठी सत्तेची आणि खंबीर नेतृत्वाची साथ असणे आवश्यक आहे,” असे मत कार्यकर्त्यांनी मांडले.
ओमराजे निंबाळकर ठाकरेंसोबत की शिंदेंकडे?
शिंदे गटात जाण्यासाठी कार्यकर्त्यांचा आग्रह
या बैठकीत उपस्थित असलेल्या नगरसेवक आणि जिल्हा परिषद सदस्यांनी उघडपणे मुख्यमंत्री एकनाथ शिंदे आणि जिल्ह्याचे नेते तानाजी सावंत यांच्यासोबत जाण्याचा आग्रह धरला आहे. एकनाथ शिंदे हे ‘अनाथांचे नाथ’ असून तानाजी सावंत हे जिल्ह्याच्या विकासासाठी कटिबद्ध असलेले ‘दिलदार’ नेतृत्व आहे, अशा शब्दांत कार्यकर्त्यांनी आपल्या भावना व्यक्त केल्या. जिल्ह्याचा विकास करायचा असेल, तर केंद्र आणि राज्याशी समन्वय असणे गरजेचे आहे, आणि ही संधी एकनाथ शिंदे यांच्या नेतृत्वाखाली मिळू शकते, असे तरुण कार्यकर्त्यांना वाटते.
निर्णय कधी होणार?
खासदार ओमराजे निंबाळकर यांनी अद्याप आपला अंतिम निर्णय जाहीर केलेला नाही. कार्यकर्त्यांची मते जाणून घेतल्यानंतर आता ते उद्धव ठाकरे यांच्याशी चर्चा करणार आहेत. या महत्त्वपूर्ण बैठकीनंतर ते आपला अधिकृत निर्णय जाहीर करतील.
ओमराजे निंबाळकर सध्या भावनिक आणि राजकीय वळणावर उभे
ताजी परिस्थिती पाहता, कार्यकर्त्यांचा कल हा स्पष्टपणे शिंदे सेनेकडे झुकलेला दिसत आहे. आता ओमराजे निंबाळकर कार्यकर्त्यांच्या इच्छेचा मान राखून महायुतीत सामील होतात की ठाकरेंसोबतच राहण्याचा निर्णय घेतात, हे पाहणे औत्सुक्याचे ठरेल.
Omraje Nimbalkar News | ओमराजेंसोबतच्या बैठकीत काय चर्चा झाली? कार्यकर्त्यांनी सांगितलं
Mahesh Rathod is a News Writer at Maharashtra Trending with over five years of experience covering Maharashtra politics, breaking news, social issues, crime, and current affairs. He is committed to delivering accurate, timely, and reliable news that keeps readers informed about the latest developments across the state.
